• ८ मङ्सिर २०८३ सोमबार/ Monday 11-23-2026
  • स्टुडियो टाईम : ०३:१५

हुम्लामा ३ दिन भारी वर्षाको सम्भावना, उच्च सतर्कता अपनाउन प्रशासनको आग्रह

|

हुम्ला —  असोज ९ गते शुक्रबारदेखि ११ गतेसम्म भारी वर्षा हुन सक्ने पूर्वानुमानपछि जिल्ला प्रशासन कार्यालय हुम्लाले जिल्लावासीलाई उच्च सतर्कता अपनाउन आग्रह गरेको छ। सम्भावित वर्षासँगै पहिरो, गेग्रान बहाव, सडक अवरोध र बाढीको जोखिम बढ्न सक्ने भएकाले प्रशासनले नागरिकलाई सचेत रहन आग्रह गरेको हो।

जल तथा मौसम विज्ञान विभागले जारी गरेको मनसुन विशेष मौसम बुलेटिनका आधारमा जिल्ला प्रशासन कार्यालय हुम्लाले विशेष सूचना जारी गर्दै सम्भावित प्राकृतिक विपदबाट हुने जनधनको क्षति न्यूनीकरणका लागि पूर्वसावधानी अपनाउन आग्रह गरेको छ।

प्रशासनले नदी तथा खोलाका तटीय क्षेत्र, गेग्रान बहावको जोखिम भएका स्थान तथा पहिरोको जोखिममा रहेका बस्तीका नागरिकलाई विशेष सावधानी अपनाउन र सम्भव भएसम्म सुरक्षित स्थानमा बस्न अनुरोध गरेको छ।

भारी वर्षाका कारण ग्रामीण सडकमा पहिरो खस्ने, सडक अवरुद्ध हुने तथा यातायात सेवा प्रभावित हुन सक्ने भन्दै प्रशासनले अत्यावश्यक कामबाहेक लामो दूरीको यात्रा नगर्न समेत आग्रह गरेको छ। यात्रा गर्नैपर्ने अवस्था आएमा सडक तथा मौसमको अवस्था बुझेर मात्र यात्रा गर्न र मौसमसम्बन्धी आधिकारिक सूचना नियमित रूपमा हेर्न तथा सुन्न आग्रह गरिएको छ।

सहायक प्रमुख जिल्ला अधिकारी चन्द्रवीर शाहीका अनुसार सम्भावित जोखिमलाई मध्यनजर गर्दै हुम्लाका सातवटै गाउँपालिकामा कार्यरत स्वास्थ्यकर्मी तथा सुरक्षाकर्मीलाई ‘अलर्ट’ अवस्थामा रहन निर्देशन दिइएको छ। विपद् वा आपत्कालीन अवस्था सिर्जना भए तत्काल उद्धार तथा राहत कार्यमा परिचालन हुने गरी आवश्यक तयारीसमेत गरिएको उनले बताए।

उनका अनुसार भारी वर्षाका कारण कुनै विपद् वा आपत्कालीन अवस्था सिर्जना भएमा नागरिकले तत्काल जिल्ला प्रशासन कार्यालय वा नजिकको सुरक्षा निकायमा सम्पर्क गर्नुपर्नेछ। जोखिमयुक्त स्थानमा रहेका नागरिकले समयमै सुरक्षित स्थानतर्फ सर्न र बालबालिका, ज्येष्ठ नागरिक तथा असहाय व्यक्तिको सुरक्षामा विशेष ध्यान दिन प्रशासनले आग्रह गरेको छ।

जिल्ला प्रशासन कार्यालयले सम्भावित जोखिमलाई मध्यनजर गर्दै जिल्लाका सम्बन्धित सरकारी निकाय तथा स्थानीय तहलाई समेत पूर्वतयारी अवस्थामा रहन र आवश्यक परे तत्काल उद्धार तथा राहतमा परिचालन हुन निर्देशन दिएको छ।

प्रशासनले ‘विपद् आएपछि उद्धार गर्नेभन्दा जोखिम आउनुअघि नै सावधानी अपनाउनु सुरक्षित हुन्छ’ भन्ने सन्देशसहित नागरिकलाई सचेत रहन आग्रह गरेको छ। विशेषगरी नदी–खोला आसपासका बस्ती, पहिरोको जोखिममा रहेका क्षेत्र र ग्रामीण सडकमा यात्रा गर्ने नागरिकले असोज ९ देखि ११ गतेसम्म थप सतर्कता अपनाउनुपर्ने देखिएको छ।

 

प्रतिकृया दिनुहोस

पेनाल्टी सुटआउटमा सिम ब्वाइजलाई हराउँदै ठेहे फुटबल क्लबले जित्यो प्रथम गोल्डकपको उपाधि

# रास्ट्रिय

२९ कार्तिक, २०८३

हुम्ला — पेनाल्टी सुटआउटसम्म पुगेको रोमाञ्चक फाइनलमा सिम ब्वाइज क्लब सिमकोटलाई पराजित गर्दै ठेहे फुटबल क्लबले दिगो विकास–रानीवन प्रथम गोल्डकप

छठ पर्वको भोलिपल्ट पनि सार्वजनिक बिदा, सोमबार सरकारी कार्यालय बन्द

# रास्ट्रिय

२९ कार्तिक, २०८३

हुम्ला — छठ पर्वको धार्मिक परम्परा र व्रतालुहरूको सुविधालाई ध्यानमा राख्दै सरकारले पर्वको भोलिपल्ट सोमबार पनि सार्वजनिक बिदा दिने निर्णय गरेको छ।

पहिलो गोल्डकपको इतिहास रच्ने दाउमा सिम ब्वाइज र ठेहे

# रास्ट्रिय

२८ कार्तिक, २०८३

हुम्ला — हुम्लामा जारी प्रथम गोल्डकप जिल्ला स्तरीय पुरुष फुटबल प्रतियोगिताको उपाधिका लागि सिम ब्वाइज क्लब र ठेहे फुटबल क्लबबीच प्रतिस्पर्धा हुने

फोटो ग्यालरी

↑